2016(e)ko abenduaren 20(a), asteartea

Gaitasun digitala

Irakasle moduan, gure ikasleen eta era berean, gure gaitasun digitala, gaur egun garatzea ezinbestekoa denez, interesgarria iruditu zait gai honi buruz informazioa biltzen duen "Smore" bat sortzea, hemen uzten dizuet esteka.

Zer dira infografiak?

Infografiak, kontzeptuak modu bisual, argi eta sintetiko batez azaltzeko oso baliagarria den tresna dugu. Nire ustez, irakasleok erabili dezakegun baliabide interesgarria da, izan ere, ikasleen arreta areagotu dezakegula uste dut. Gainera, erabiltzeko erraza da. Hemen usten dizuet infografia zer den azaltzen duen adibide bat.

Hauek sortzeko tresna ezberdinak erabili ditzakezue, adibidez:
  • -          Google Developers
  • -          Visualize
  • -          Easel.ly
  • -          Piktochart
  • -          Infogr.am
  • -          Visual.ly
  • -          InFoto Free
  • -          Canva


Web 2.0

Web 2.0-ri buruzko informazio interesgarria irakurri dut eta hemen uzten dizuet burutu dudan Mindomoa, informazioa modu eskematiko batez ikusi dezazuen.




Errealitate Areagotua

Errealitate areagotuaren teknologiak ikasgeletan gero eta gehiago erabiltzen ari diren baliabideak dira. Izan ere, pertzepziorako, interakziorako eta ikaskuntza prozesurako oso baliagarriak eta adierazleak izaten ari dira ikasleentzako. Irudi errealak birtualekin nahastu nahiz gero, hurrengoko tresnak erabili ditzakezue:
  • -          Aumentaty Author
  • -          ARCrowd
  • -          ZooBrust
  • -          LayAR
  • -          Aurasma
Aipatutako kontuan hartuz esan dezakegu, errealitate areagotuak testuinguru birtuala eta errealitatea nahasteko aukera ematen diguten baliabideak direla. Horrez gain, gailu ezberdinekin bateragarria denez (Android eta Iphone), hauen erabilera sustatzen du.


Aurretik aipatutako bi erreminta, LayAR eta Aurasma hain zuzen ere, erabili ditut baliabide hauek gehiago ezagutzeko asmoz, hemen uzten dizkizuet sortutako errealitate gehituak:



Baliabide honekin, Arteterapiak hezkuntzan izan dezakeen baliogarritasuna, abantailak eta adibideak jartzen sahiatu naiz.



Tresna honekin, Yogak hezkuntza duen eragina eta praktika batzuen adibideak jarri ditut.





Educación 3.0

Educación 3.0  deitzen den aldizkaria aipatzea interesgarria iruditu zait. Orain dela aste batzuk ezagutu nuen eta bertan agertzen diren berriak eta ideia beritzaileak, irakasleentzako oso interesgarriak izan daitezkeela iruditu zait. Bertan, gaur  egungo hezkuntza bideratzeko erraztasunak agertzen dira eta lagungarria izan daiteke hezkuntza berrikuntza bultzatzeko azken berriei buruz jakinean egoteko.
Aldizkari honek komunikazio globala du eta honen helburua ikasgeletan metodologia aldaketetan laguntza eskaintzea da IKT-ak eta metodologia aktiboak erabiliz. Hezkuntza sektorea osatzen dutenentzako eta irakaskuntza-ikaskuntza prozesuan parte hartzen duten pertsonentzako, familiak barne, bideratuta dago.

CINTE 16

Ikasturte honetan Kongresu internazional batera joateko aukera izan dugu Magisteritza eskolan, CINTE 16-ra hain zuzen ere. Bertan aipatutako guztia modu batez ikusi ahal izateko, hemen uzten dizkizuet zenbait baliabide, web gune eta bideoak.


Niri gehienbat gustatu zitzaidanan Julio Calbero Almenarak adierazitakoa izan zen. Izan ere, etorkizuneko irakasle moduan, gai honi arreta handia jarri behar diogula uste dut.  Beraz, kontuan hartu behar dugu, guk irakatsiko ditugun haurrak beste generazio batetan jaioak direla. Modu horretan, gure ikasleen ikaskuntza prozesuek lortura estua izango dute teknologiarekin. Ondorioz, ikaskuntza prozesuak gero eta irekiagoak, pertsonalizatuagoak, kolaborazio gehiagorekin, bisualagoak… izango dira. Gure ikasleen ikaskuntza zentzua eta egokia izan dadin, irakasleok prestakuntza egokia izan behar dugu eta aipatutako hau guztia kontuan hartu.




Mooc ikastaroen analisia eta ikerketa

Bigarren modulu honetan, MOOC-ak zer diren aztertzeko aukera izan dugu. Era berean, hauen sailkapena, irakasten diren plataforma desberdinen analisi kuantitatiboa eta MOOC ezberdinei buruzko ikerketak arakatu ditugu.
Hasteko, MOOC bat zer den ikertuko dugu. Horretarako, MOOC-aren sigletan jarriko dugu arreta. “M”-k massive esan nahi du, hots, eskuragarritasun masiboa deritzona. Lehenengo “O”-ak, open hitzari egiten dio erreferentzia. Beraz, ikastaroak material errazak eta dohainik dituztela ondorioztatu dezakegu. Hurrengo letra, “O”, on-line esan nahi du. Izan ere, ikastaroak interneten bidez, urrutitik ikus daitezke. Bukatzeko “C”-k, course adierazten du. Ikastaro hauek, egun determinatu batean hasten eta bukatzen dira. Horrez gain, programa espezifiko bat azaltzen du eta honen bukaeran ebaluazioa ematen da. Irakasleak ikasleak bideratzen lagunduko die elkarrekin kolaboratuz eta komunikatuz.


  • MOOC motak

MOOC-ak hiru taldeetan sailkatzen dira.





  • MOOC ikastaroen analisia eta ikerketa

Lehen aipatu dudan moduan, MOOC ezberdinak aurki ditzakegu. Oraingo honetan, bakoitzaren adibide bat jarriko dut.



Lehenengo modulua: Jarduera baten diseinua.

Mooc honekin hasteko, teknologia eta ikaskuntzaren arteko lotura aztertu dugu. Gaur egun teknologiak eragin handia du hezkuntzan, adibide moduan eskola 2.0 web-ari buruz mintzatu gara, non erabiltzaileen parte hartze, interakzio eta komunikazioa sustatzen den. Hala ere, eszenario berriak sortu dira (jardines variados), eta erabiltzaileak beste moduan batean jokatzen dute, hala nola, mugikor aplikazio berriak sortuz. Ondorioz, web-a bigarren planu batera igaro da.


Prespektiba digitalaren bitartez, ikaskuntza prozesua eta teknologia batera bideratzen sahiatuko gara. Horretarako, Bloom taxonomiari buruzko ideia berrian eta Allan Carringtonek burututako pedagogia gurpilean oinarritu gaitezke. Aipatutakoa kontuan hartuz, jarduera didaktiko berritzaile bat diseinatuko dugu.



  • Jardueraren aurkezpena


Jarduera berritzailea burutzeko, egunkari digital bat sortzea proposatzen dut. Horretarako, bizitza osasuntsuaren ideian oinarrituko naiz. Esandakoa lortzeko, bizitza osasuntsu bat edukitzeko beharrezkoak diren ekintzei buruz arituko dira, hala nola, zein elikagai behar ditugun, non aurki ditzakegu, zein kirol praktikatu dezakegun, zein ekintza murriztu beharko genuke... Beraz, egunkariak atal ezberdinak izango ditu; elikagaiak, kirolak, murriztu behar ditugun ekintzak eta bitxikeriak. Ikasleek 5 pertsonako taldeetan egokitutako atala irudikatuko dute, erreminta eta aplikazio ezberdinak erabiliz. Proiektu honen iraupena aste batekoa izango da, eta egunero talde bakoitza atal baten gainean ibiliko da lanean, hau da, egunero  txandakatu egingo dira. Proiektu honen gaia Gorputz Hezkuntzako eta Informatikako arloarekin bat egiten duenez, aste batez, ordu horiek erabiliko ditugu.

  • Helburuak


Proiektuaren helburu nagusiak hurrengokoak dira:

        Erreminta eta aplikazio berrien inguruan trebatzea, motibatzea eta interesa piztea.
        Bizitza osasuntsu bat edukitzearen garrantziaz ohartzea.
        Talde handian, talde txikian nahiz modu indibidualean parte hartze aktiboa izatea.
        Egunkari digital bat sortzea.

  • Akzioak


Proiektuaren bitartez landuko ditugun akzioak hurrengokoak dira:

        Bilatu egokitutako atalaren gainean informazioa ( zer da? )
        Alderatu bizitza osasuntsu bat edukitzearen edo ez edukitzearen ondorioak.
        Azaldu bilatutako informazioa taldekideen artean.
        Egiaztatu  taldekideen artean batutako informazioa.
        Sortu egunkari digitalean egokitutako atala taldekideen artean.

  • Jarduerak


Proiektu honen bitartez jarduera batzuk burutuko dira, hala nola:
        Oharrak hartu
        Mapa kontzeptualak sortu
        Kritikatu
        Egunkari digitala argitaratu

  • Erremintak eta aplikazioak


Aipatutako guztia kontuan hartuz, hurrengoko aplikazioak eta erremintak dira proiektuan zehar erabiliko direnak:
        Evernote eta GoConqr
        Inspiration maps
        Lucid Press

  • Metodologia eta rolak


Proiektu honen bitartez erabiliko den metodologia, errealitatean oinarritutako ikaskuntza  izango da. Horretarako, ikasleak haien ikaskuntza prozesuaren protagonistak izango dira, diseinuan, sormenean, ebaluazioan... Proiektua esanguratsua izateko hurrengoko atalak kontuan hartzea beharrezkoa izango da:
      Ikasleen kuriositatea sustatzea
  Ikasleen parte hartze aktiboa bultzatzea gelan eta plataforman, bai taldean eta baita modu indibidualean ere.
        Beharrezkoa diren gaitasunak garatzea.
        Ikasle eta irakasleen arteko “feedback”-a eta berrikustea bultzatzea.

Irakasle eta ikasleen rolak aktiboak izango dira. Irakaslea, momentu osoan  ikasleekin kontatuan egongo delako haien lana gidatzen eta ikasleak, haien proeitkua sortuko dute eta gainerako kideei laguntza eskainiko diete.

  • Ebaluazioa


Ebaluazioa jarraitua izango da, hau da, prozesu osoa aintzat hartuko dugu. Horretarako irakasleak,kontuan hartu ditu ikasleek burutzen dituzten jarduerak, erabiliko diren aplikazio eta tresna ezberdinetan jarritako motibazioa eta jakin-mina, taldeetan nahiz modu indibidualean edukitako parte hartzea... Horrez gain, ikasleek koebaluazioa egingo dute, hots, ikasleek haien artean ebaluatuak izango dira, taldeetan sortuko dituzten errubrikak erabiliz. Bukatzeko, irakasleak azken ebaluazio nik burutuko du, egunkari digitalari buruzko azalpena izango dena.



Teknologia berrien inguruko MOOC-ak

Ikasturte honetan MOOC batean parte hartzeko aukera izan dut. Hain zuzen ere, MiriadaX-ek eskaintzen duen “Nuevos escenariosde aprendizaje digital”-ean. Bertan teknologia hezkuntzan eta era berean, irakaskuntza-ikaskuntza prozesuan txertatzeko hainbat azalpen baliagarri aurkitzeko aukera izan dut. Bertan, ekintza ezberdinak burutzea proposatu zidaten eta ideai egokia iruditu zait zuekin partekatzea.